सात वर्षसम्म लिंग छुट्टिन

परिवार चिन्तामा, गाउँलेलाई रमिता

प्रकाश लम्साल/नयाँ पत्रिका

बारा, ३० भाद्र

जन्मिएको सात वर्षसम्म पनि आप\mनो बच्चाको लिंग थाहा पाउन नसकेर एक दम्पती पीडामा परेका छन् । बच्चाको शरीरमा जन्मैदेखि पुरुष र स्त्री दुवै जननेन्दि्रय पाइएको छ ।

बाराको भरतगन्जसिगौलका दम्पती लक्ष्मी गुरो र रतनीदेवी गुरोका दोस्रो सन्तानमा यस्तो समस्या देखिएको हो । 'छोरा हो कि छोरी छुट्टयाउनै सकिएन,' आमा रतनीदेवीले भनिन् । आफ्नो सन्तानलाई गाउँलेले 'अलच्छिना' भनेर बोलाउन थालेपछि दम्पतीले थप प्रताडित बन्नुपरेको छ ।

बच्चामा पुरुष लिंग २-३ इन्च लामो रहेको छ भने त्यसका दुवैतिर अण्डकोषसमेत देखिन्छ । बच्चाले मूत्रत्याग भने योनिमार्फत गरिरहेको परिवारले जानकारी दिएको छ । बच्चाको स्वास्थ्य अवस्था सामान्य छ ।

रतनी र लक्ष्मीका थप दुई छोरा र एक छोरी छन् । अन्य छोराछोरीमा भने यस्तो समस्या नरहेको बाबु लक्ष्मीले बताए । बच्चाको लिंग खुट्याउन नसकिएपछि गाउँलेलाई रमिता भएको छ । उनीहरूले बच्चालाई 'खोजा' र 'खाजिन' भन्न थालेका छन् भने कोहीले त अलच्छिने भनेरसमेत बोलाउन थालेका छन् ।

आदिवासी कछडिया समुदायमा दुवै लिंगसहित जन्मिएको बच्चाको उमेर वृद्धिसँगै पुरुष जननेन्दि्रय सक्रिय भएमा 'खोजा' र स्त्री जननेन्द्र सक्रिय भएमा 'खोजिन' भन्ने गरिएको भरतगन्जसिगौल गाविस— ३ का रतन धामीले बताए ।

अनेक नाम दिएर आप\mना सन्तानलाई गाउँलेले बोलाउन थालेपछि आजित बनेकी रतनीदेवीले पैसाका अभावमा बच्चालाई अस्पताल नलगिएको दुखेसो गरिन् । दिनभरि ज्यामी काम गरी दैनिक गुजारा चलाउँदै आएका दम्पतीले आर्थिक अभावकै कारण बच्चालाई विद्यालयसमेत पठाएका छैनन् । गुरो दम्पतीले गाउँका केही नेतालाई सरकारी अस्पतालमा निःशुल्क उपचारका लागि पहल गरिदिन आग्रह गरे पनि सबैले बेवास्ता गरेको गुनासो गरे । बच्चाको पुरुष र स्त्री जननेन्दि्रय दुवैको समान विकास भए पनि केही समययता आएर छोरीको जस्तो व्यवहार देखाउन थालेेको उनीहरूले बताएका छन् ।

केटी साथीहरूसँग खेल्न मन पराउँछ, कहिलेकाहीँ कपाल बाट्ने र आँखामा गाजलसमेत लगाएर हिँड्छ,' आमा रतनीदेवीले बताइन् । आमाबुबाले भने बच्चा छोरा भइदिए हुन्थ्यो भन्ने चाहना राखेको पाइएको छ । कपाल छोटो पारेर काटिदिने, सर्ट पाइन्ट र कट्टुजस्ता छोराका कपडा लगाइदिने गरेका छन् उनीहरूले ।