जुनाले बिहे गरिन्

काठमाडौं/ गायिका जुना प्रसाइर्ं विवाह-बन्धनमा बाँधिएकी
छिन् । उनी धापासी काठमाडौंका सरोज भण्डारीसँग विवाह-बन्धनमा बाँधिएकी हुन् ।
नदेखेको भए हुन्थ्यो तिमीलाई गीतबाट चर्चामा आएकी जुनाले गीत गाउनुभन्दा पहिले नै कन्सल्टेन्सी सञ्चालक सरोजलाई देखेकी रहिछन् । उनीहरूबीच सात वर्षदेखि अफेयर चलिरहेको समेत उनले बताइन् । सोही अफेयरलाई निरन्तरता दिँदै बुधबार उनीहरू विवाह-बन्धनमा बाँधिएका हुन् । 'सात वर्षदेखि हामी
प्रेममा थियौँ,' उनले भनिन्, 'परिवारकै समर्थनमा हामीले विवाह गरेका हौँ ।'
उनको पहिलो एल्बम नजिक केही समयअघि बजारमा आइसकेको छ । उनले दोस्रो एल्बमको तयारी पनि पूरा गरिसकेको बताइन् ।
'दोस्रो एल्बममा आठवटा गीत समावेश गरेकी छु, जसको रेकर्डिङ सिध्याइसकेकी छु,' उनले भनिन्, 'चाँडै वितरक खोजेर एल्बम बजारमा ल्याउनेछु ।'