द्वन्द्व र बन्दले लाहुरे बनायो

फेसबुकबाट पंक्तिकारको सम्पर्कमा आएका पोखराका राज शर्मा -उनकै आग्रहमा नाम फेरिएको) अहिले गोर्खा बि्रटिस आर्मीका हवल्दार हुन् । पत्रकार भन्ने थाहा पाएर सुरुदेखि नै आफ्नोबारे त्यति नखुलेका राजसँग याहु म्यासेन्जरमा गरिएको एकदिने च्याट ः

– नमस्ते ! के छ नेपालकी नारी ?  
    नमस्ते ! ठीक छ । तिम्रो के छ, राज ? किन नेपाली नारी
    भनेको ?
    के भन्नु त ?
    प्रमिला भन न ।
    भन्दिनँ । नेपालकी नारी नै भन्छु ।
    ल, ल । आर्मीको जात ढिपी छोड्दैनन् । मन लागेको भन । के गर्दै छौ ?
    भर्खर ड्युटीबाट आएको । अब खाना खाने हो ।
    के काम गर्नुपर्छ तिम्ले ?
    कसरी भनाँै, तिमी यहाँ छौ र ? देखाउन मिल्दैन ।
 ल नभन ।
 बाई । मोर नेक्स टाइम ल !
 किन बाई ?  हुन्न । गफ गर न ।
 'आई एम नट डग -म मूर्ख होइन )' । तिमीसँग बोल्न डर लाग्छ । पत्रकारहरू राम्रा हुन्नन् ।
 किन त्यसो भनेको ?
 मलाई नम्रता श्रेष्ठको समाचार छापिएपछि नेपालका पत्रिका मन पर्दैनन् । पत्रकार पनि मन पर्दैन ।
 जे भए पनि समाचार त हो नि । पत्रकारले जनतालाई सूचना दिने आफ्नो धर्म निर्वाह गर्नुपरेन ?
     अर्काको निजी जिन्दगीमा घुस्ने, त्यस्तो पनि धर्म हुन्छ ?
     त्यो पुरानो कुरा भयो । तिम्रो भन ।
     म नेपाल आउने दिन आउन लाग्यो नि ! अब २४ दिन बाँकी छ ।
     दिन कन्ठै छ ?
     अँ, अबको २४ दिनपछि म नेपालको एयरपोर्टमा हुन्छु । बिहान एघार बजे । तिमी आउँछ्यौ ? मेरी ममी र दादा आउँदै हुनुहुन्छ ।
 ए ! म आउँदिनँ । मलाई देखेर तिमी भाग्यौ भने ।
 किन भाग्ने ?
 अस्ति नै म बाँदर्नी थिएँ । अहिले चिम्पान्जी भएकी छु ।
 आब्बुइ ! के भनेको ?
 छोड यो सब । तिमी बिहे गर्न आउन लागेको होइन ?
 हो, माघ २४ गते राम्रो लगन छ रे । तिमी पनि आऊ है मेरो बिहेमा ।
 सबै मिलिसक्यो ?
 केटी बाँकी छ ।
 हा हा हा ...यस्तो पनि हुन्छ र !
 एउटी केटी छ । आमाले हेरेको । मैले हेरेपछि फाइनल ।
 नर्स होला होइन ?
    हो । कसरी जानेको ?
 बाहिर गएका अधिकांश केटा नर्सको पछि लाग्छन् ।
     अनि केटी अमेरिका र पैसाको पछि लाग्छन् ।
     मलाई भनेको तिम्ले ?
     तिमी त नेपाली नारी भइहाल्यौ नि ! मलाई मेडिकल पढेको केटी मन पर्छ । तिमी पनि पढ न बरु ।
     किन पढ्ने ? मेरै पेसा राम्रो छ ।
     पत्रकारिता मन पर्दैन मलाई । ल म भात खान गएँ ।
     किन मन पर्दैन, त्यो त भनेर जाऊ । 
     गोप्य हुन्न त्यसैले ।
     त्यो त तर्क भएन नि !
     के भनेको तिम्ले ? म तिम्रो कुरै बुझ्दिनँ ।
     म पनि तिम्रो कुरा बुझ्दिनँ ।
     नबुझेकै राम्रो ।
     किन ?
     मलाई मेडिकलकी केटी मन पर्छ । तिमी त पत्रकार । तिम्रो र मेरो अब अर्काे जुनीमा ।
     हा...हा...हा... मैले कहिले तिम्रो र मेरो कुरा गरँे ?
     किन कुरा लामो गर्छौ त तिमी मसँग ?
    मलाई आर्मी राम्रो लाग्छ । तिमी मलाई बि्रटिस आर्मीको बारेमा भन न ।
     मैले भनेकै थिएँ नि— पत्रकारहरू जोसँग पनि समाचार बटुल्न कुरा गर्छन् ।
     हे...हे... त्यसो होइन । तिमी साथी भएर सोधेको ।
     कस्तो साथी ? मैले तिम्लाई कहिले साथी भनेँ ?
     ल अहिलेसम्म के भनेर गफ गरेको त ?
     तिमी मसँग यति धेरै किन बोल्छ्यौ ? म त्यस्तो केटा होइन ।
     अघि भनेँ त आर्मी राम्रो लाग्छ ।
     म त्यस्तो केटा होइन । यति लामो गफ कुनै केटीसँग गरेको थिइनँ । मलाई केटीसँग गफ गर्न आउँदैन ।
     हे..हे.. गुड जोक ! मसँग गर्न आउँछ त गफ । म जित्न सक्दिनँ तिम्लाई ।
     म भात खाएर आउँछु के !
     हुन्न, नजाऊ ।
     तिमीले किन यति साह्रो गरेको बिहे हुन लागेको केटालाई ?
     मलाई थोडी बिहे गर्नु छ र ? तिमीसँग गफ पो गर्नु छ । तिमी युएईभन्दा अघि कहाँ थियौ ?
     अफगानिस्तानमा ।
     ए, कति मार्‍यौ त तालिवान ?
     अहिले मारेको कुरा नगर न । मलाई घरको याद आइरहेको छ । बन्दुकदेखि रिस उठिरहेको छ ।
     कति भयो तिमी गएको ?
     दुई वर्ष एघार महिना ।
     बि्रटिसको सेवा गरेछौ मजाले  ।
     पैसा हो नि त सबै कुरा । तिमी पनि पैसा देखे गछ्र्यौ ।
 सायद ! मलाई भन त तिमीलाई अर्काको देशको आर्मी बन्नु राम्रो लाग्छ ? आफैँसँग रिस उठ्दैन तिम्लाई ?
     मैले नेपालमा गर्न नचाहेको हो र ? हेर न कति बन्द हुन्छ । पहिले द्वन्द्व भएर भाग्नुपर्‍यो । अहिले बन्द भएर भाग्नुपर्ने अवस्था छ ।
     हामी त बन्दभित्र पनि गर्न खोज्दै छौँ । बाहिर बसेर गाली गर्नुसट्टा यतै आएर केही गरे हुन्थेन ? सरकारलाई दबाब दिए हुन्थेन ?
     के बनेर दबाब दिने ? वाइसिएल बनेर कि युथफोर्स ? मैले कति दुःख गरेको छु, मलाई नै थाहा छ ।
     कस्तो दुःख ?
     किन भनँू ? छाप्यौ भने ? तिम्रो त डर लाग्छ ।
        म गएँ अहिले अफिसरले मार्छ ।
     को अफिसर ?
     नाम भन्दिनँ । राई छ एउटा तिमीजस्तै घमण्डी ।
     ल ! किन घमण्डी भनेको ?
     त्यो विष्णुलाई तिम्ले मेरो आइडी किन देको ?
     साथी बन भनेर नि । तिमी राम्रो लागेर ।
     मलाई चेक गर्न देको । म सोझो भए पनि कुरा बुझ्छु ।
    तिम्रो र मेरो भेट अर्काे जुनीमा । पत्रकार मलाई मन पर्दैन ।
     हुन्छ अर्काे जुनीमै भए पनि ।
     तिमीलाई के ल्याइदिऊँ ? म भोलि सपिङ जाँदै छु ।
     केही पर्दैन । टन्न पैसा छ कि क्या हो ?
     वाउ ! कति ज्ञानी । मेरो भाइलाई गाडी चाहियो रे । अझ गन पनि भन्दै थियो ।
     गन ? त्यो पनि ल्याइदिन्छौ ।
     हुन्न । नेपालको एयरपोर्टमा समाउँछ ।
     कति कमायौ पैसा भन त ?
     किन भन्ने तिमी मेरो को हौ र ? आजकल शंका लाग्छ मलाई तिमीसँग ।
     शंका नगर, मेरा धेरै साथी छन् तिमीजस्ता ।
     मैले धेरै केटीसँग गफ गरेको छैन । त्यसैले शंका गरेको ।
     तिमी पेन्सन पाकेपछि के गर्ने ?
     सायद पोलिटिक्समा आउँछु । मलाई मन पर्छ ।
     राम्रो कुरा गर्‍यौ । सँगै पार्टी खोलाँैला ।
     हुन्न, तिमीलाई म विश्वास गर्न सक्दिनँ ।
     किन ?
     तिमीले त्यो विष्णुलाई मेरो आइडी किन देको ?
     कति विष्णुको पछि लाग्छौ । मलाई इन्टरभ्यु देऊ न ।
     ऊ फेरि त्यही कुरा । म बोल्दिनँ भनेको थाहा छैन ? सुन न मलाई टीका विष्टको 'तीर्था सिन्दुर' भन्ने आर्टिकल पठाऊ न । कस्तो पढ्न मन लागेको छ । टेन्सनै भयो । 
     मसँग छैन  । गुगलमा सर्च गर ।
 ***
        कता हरायौ ?
    लोडसेडिङ भयो के ! अनि नेट गयो ।
    कस्तो छ है नेपालमा, अरू देश कहाँ पुगिसके ?
 यो सब सोच्न छोडिसकेँ मैले । मलाई त लाइट नगए पीर पर्छ । प्रेम बस्यो लोडसेडिङसँग !
    कसरी चल्यो त अहिले ? तिमीसँग ल्यापटप छ हो ?
    छैन, म त गरिब पो छु त । अफिसको जेनेरेटर चलाएको  के !
     ए ! समाचार के छ आजको ?
     धेरै छन् । कुनचाहिँ भनौँ ?
     मुख्य भन न ।
     मुख्य नसोध । समाचार सम्झेर राति निन्द्रा लाग्दैन ।
     त्यही त मैले भनेको पत्रकारिता छोडेर मेडिकल पढ अनि  विदेश आऊ । बरु म सहयोग गर्छु ।
     छोड, मलाई विदेशी सपनाले छँुदैन । आर्मीमा गएपछि रोएको दिन छ कुनै ?
     नसोध । त्यो सम्झेर मलाई रुन आउँछ । मेरा साथीहरू पनि कोठामा छैनन् । म पछि भन्छु तिम्लाई ।
     तिम्रो फेसबुकको कविता राम्रो थियो ।
     थ्यांक यु !
     तर, मैले बुझिनँ ।
     मेरो लभलेटर पनि छ नि । पढेर भन्नू है कस्तो लाग्यो ? मेरो लाइफको फस्र्ट हो ।
     लभलेटर कि प्रेमिका ?
     लभलेटर । भनेँ त केटीसँग बोल्न लाज लाग्छ । मेरो केटीसाथी छैनन् । तिमीसँग हो म धेरै बोलेको । तिम्रो कम्प्युटरमा भाइरस छ हो ? मेरो ल्यापटप ढिला भयो ।
     बोल्न नमान्नेकहाँ मेरो कम्प्युटरले भाइरस पठाउँछ ।
     हा... हा... हा... ! बोलेकै छु त  ?
    मेरो प्रश्नको उत्तर खोइ त ?
    तपाईं  युएइको कुन सिटीमा हो ?
    भन्दिनँ । कुरै नगर ।
    मलाई थाहा छैन र तिमी पत्रकारहरूले...
    (कम्प्युटर अचानक बन्द भयो, सायद जेनेरेटरमा डिजेल सकियो ।)

pamee.devkota@gmail.com