फेरि हारिन् इभानोभिक

स्टानफोर्ड/ मारियोन बार्टोली, मारिया सारापोभा तथा भिक्टोरिया एजारेन्का बैंक अफ द बेस्ट क्लासिक टेनिस प्रतियोगिताको क्वार्टरफाइनलमा प्रवेश गरेका छन्　। तर, वरियताप्राप्त अर्की खेलाडी साहर पिरलाई भने बिहीबार भाग्यले साथ दिएन　। चौथो वरियताकी बार्टोलीले भने संकटग्रस्त पूर्वनम्बर एक अना इभानोभिकलाई ६-३ र ६-४ ले सहजै हराइन्　। पछिल्लो १३ खेलमा बार्टोली त्यो १०आँै जित पनि बन्यो　।

'त्यो साह्रै रोमाञ्चक खेल थियो,’ बार्टोलीले भनिन्, ँमैले युएस ओपनका लागि राम्रो तयारी गर्न पाएकी छु　। यस्ता जितले आत्मविश्वास बढाउँछ　।’ जीवनको चार भिडन्तमा बार्टोलीले पहिलोपटक इभानोभिकलाई हराएकी हुन्　।

ँमैले योभन्दा अगाडि अनासँग खेल्दा उनी उचाइतर्फ बढ्दै थिइन्,’ बार्टोलीले भनिन्, ँअन्ततः मैले उनलाई हराएँ　। यो जितले मेरो आत्मविश्वास बढाएको छ　।’

पाँचाँै वरियताप्राप्त पूर्वनम्बर एक मारिया सारापोभाले भने बेलारुसकी ओल्गा गोभोत्र्सेभालाई ६-३ र ६-३ ले तथा आठौँ वरियाताकी एजारेन्काले मेलानी ओडिनलाई ६-३ र ६-१ ले हराइन्　। उता, पिरलाई भने मारिया किरिलेन्कोले ६-४ र ६-३ ले हराएकी हुन्　।

ँखेलको सुरुवात सुस्त रह्यो, तर त्यसपछि मैले राम्रो खेलेँ,’ सारापोभाले भनिन्, ँमैले सकेसम्म मौका गुमाइनँ　।’ पिर सो प्रतियोगिताबाट बाहिरिने पहिलो वरियताप्राप्त खेलाडी बनिन्　।